Contactez-nous
Hetsika olom‑pirenena matanjaka, entin’ny firaisan‑kina sy ny herin’ny tanora malagasy.
Miady amin’ny tsy rariny sy ny tsimatimanota

Ny fampiroboroboana ny hitsiny sy ny fahamarinana no fototry ny hoavy ara-drariny. Amin’ny alalan’ny Gen Z Madagasikara, ny hetsikin'ny olom‑pirenena tarihin’ny Generation Z eto Madagasikara, dia manome fanohanana ara‑dalàna mba hanampiana ny tanora handrava ny kolikoly sy ny tsimatimanota. Ity hetsika ity dia mihoatra noho ny lalàna : fihainoana ireo niharam‑boina sy famoronana sehatra azo antoka ahafahan’ny tsirairay miasa sy mitarika amin’ny fahamendrehana sy ny fahitsiana.
Soniaviko ny Dina Gen Z
Manome sehatra azo antoka hihainoana, hitarihana ary hanovana ny tanora tsirairay ho mpitarika izahay.
Manangana hoavy miorina amin’ny zo sy ny maha‑olona

Zava‑dehibe amin’ny fikatsahana ny fahamarinanana eto amin'ny firenena ny fanaitairana ny saina maha‑olom‑pirenena. Ny hetsika ataonay Gen Z dia mifototra amin’ny mangarahara, mba hanomezana ny tanora fitaovana hiatrehana ny faneriterena sy ho lasa mpanorina fiarahamonina. Ny fanafahana izay iadivana ho an'ny olom‑pirenena tsy ankanavaka dia manome lanja ny feo tsirairay ary mamerina ny maha‑olona, manomanana taranaka sahy, tompon’andraikitra ary vonona hiroso.

Soniaviko ny Dina Gen Z
Ny fanohanana ny tanora amin'ny lafiny fianarana sy ara-kasa no antoka voalohany hanavaozana ny firenena.
Hanome vahana ny herin’ny Tanora Gen Z eto Madagasikara

Ny karokaroka, famoronana sy ny ranto fianarana no isan'ny herin’i Madagasikara. Amin’ny fanohanana ny fanabeazana, ny fidirana amin’ny teknolojia ary ny fahaiza‑manao mifandraika amin'ny fivoarana efa misy maneran-tany, ny Gen Z Madagasikara dia manampy ireo talenta eto an‑toerana ho lasa mpanavao misokatra amin’izao tontolo izao. Ny fahaleovan‑tena ara‑toekarena dia manamafy ny toky ilain'ny firenena mpiombon'antoka ary mamela ny tanora tsirairay handray anjara amin’ny fandrosoana maharitra.

Soniaviko ny Dina Gen Z

Andao hiara-hiasa mba ahazo vokatra tena maharitra.

Hetsika tarihin'ny
Tanora Gen Z eto Madagasikara

Gen Z Madagasikara dia hetsikin’ny olom‑pirenena tsy ankanavaka entin’ny Generation Z eto Madagasikara, manana antom-pisiana mazava : mandray anjara amin’ny fanavaozana lalina ny firenena, miorina amin’ny zon’olombelona, ny mangarahara ary ny fahaleovan‑tena ara‑toekarena.
Amboarina ho hetsika iombonana ny fahatezerana sy ny fitarainana nasionaly, na eny anaty sehatra nomerika izany na eny anivon’ny fiarahamonina. Amin’ny fanentanana ny tanora, fanofanana ary fanohanana tetikasa eo an‑toerana, dia miasa manomboka eny ifotony — fokontany, tanàna, vondrom‑piarahamonina — ka hatrany amin’ny sehatra nasionaly ny Gen Z Madagasikara.

  • Tanora mihaotra ny 250 000 no efa voaentana

  • efa mihaotra ny 2 700 ny olona nanao sonia ny Dina Gen Z

  • Mpanohana efa mihaotra ny 35 000 amin’ny tambajotra sosialy

Intervention gen Z gezani toamasina
Ny Tanora Mijoro

Tanora mifoha, mahiratra ary vonona hiaro ny zony mba hanangana an’i Madagasikara marina sy miroborobo.

Inona tsara ny atao hoe kolikoly ?

Ny kolikoly dia fanodinkodinana ny fananan’ny maro an'isa ho tombontsoan’ny vitsy an’isa na olon-tokana. Manimba ny fanjakana ny kolikoly, manaisotra ny zon’ny tsirairay ary mampihemotra ny firenena. Rava ny fitokisana sy ny fihavanana, mampitombo ny tsy rariny ary manakana an’i Madagasikara mba ho firenena marina sy mendrika.

Nahoana no zava‑dehibe ny mangarahara ?

Satria manan‑jo hahalala ny fomba fampiasana ny vola sy harena ary ny fanapahan‑kevitra raisina ny vahoaka tsy an-kanavaka: mila azo jerena sy misy fanazavana avokoa ny fanapahan‑kevitra rehetra, ny pitsopitson'ny fandaniana rehetra ary ny safidy nataon'ny mpitondra.

Inona ny tsimatimanota ?

Rehefa tsy miaro ny olom‑pirenena intsony ny lalàna, fa miaro ireo mandika azy. Ny fiarovana ny zon’olombelona dia midika fiantohana ny rariny, ny fitoviana ary ny fahamendrehana ho an’ny rehetra.

Hetsika entin’ny olom-pirenena tsotra, eto an-toerana sy ireo mila ravin’ahitra ary tohanan’ny mpiara-miombon’antoka maro manerana ny Nosy

Andao hiara-hiasa hanarina an’i Madagasikara.

Manova ny hoavin’ny firenena ny hetsika olom‑pirenena rehetra

1. Mahalala vao afaka mihetsika

Ny fahafantarana ny zo, ny zava‑misy eto amin’ny firenena ary ny rafitra misy fahefana no dingana voalohany amin’ny fananganana taranaka mazava saina, mahay mandinika ary sarotra voafitaka.

2. Manameloka ny tsy rariny sy ny tsimatimanota

Ny fanaovana tatitra sy fanangonana porofo dia miaro ny olom‑pirenena ary mandrava ny kolontsain’ny fahanginana. Ny feo tsirairay miantefa dia manamafy ny fanjakana tan‑dalàna.

3. Manangana Komity Vahoaka Ifotony (CPL)

Mandrindra ny tanora isaky ny fokontany mba hanentana, hampiofana, hanao hetsika ary hampiakatra ny feon’ny vahoaka avy eny ifotony.

4. Miaro ny mangarahara sy ny fandraisana andraikitra

Mangataka kaonty, manara‑maso ny fampiasana ny volam‑bahohaka, mitaky famoahana tatitra : ny mangarahara no fitaovam‑pandresena lehibe indrindra an’ny vahoaka te hanangana Fanjakana vaovao.

Mandraisa anjara amin’ny fanovana

Mandray anjara amin’ny fananganana an’i Madagasikara mangarahara, marina ary demokratika tokoa.

Raisinay an-tanan-droa ireo tanora rehetra vonona hanolotra ny fotoanany, ny heviny ary ny fahaiza-manaony ho fanasoavana ny firenena. Gen Z Madagasikara: hetsika olom‑pirenena tarihin’ny Generation Z eto Madagasikara, miasa amin’ny alalan’ny Komity Vahoaka Ifotony (CPL), tetikasa samihafa ary hetsika olom‑pirenena. Ny mpilatsaka an‑tsitrapo tsirairay dia manana anjara toerana lehibe amin’ny famoronana fiantraikany azo tsapain-tànana, maharitra ary mahasoa ho an’ny fiarahamonina sy ny hoavin’i Madagasikara.

Izaho koa hiditra an‑tsitrapo sy handray anjara
Iza ireo mpilatsaka an‑tsitrapontsika ?

Tanora mirotsaka an-tsehatra, firenena mandroso.

Ny mpilatsaka an‑tsitrapo no ivon’ny Gen Z Madagasikara. Izy ireo no manofana, mampihetsika, manavao ary miaro ny zon’ny olom‑pirenena isaky ny faritra. Ny fisiany dia porofo fa ny tanora mifandrindra sy voalamina dia afaka manova ny firenena. Atolotray eto ny fankasitrahanay azy ireo. Miara‑miasa izahay amin’ny fananganana hetsika mahavita misarika fahafahana, mampivelatra hevitra vaovao ary manome feo ho an’ireo tetikasa sy olana izay tsy mbola nahazo fihainoana.

Stephanio Activiste Toamasina
Stephanio
Mpihetsiketsika sy mpianatra ao amin’ny Oniversiten’i Toamasina. Mpikambana ihany koa ao amin’ny fikambanan’ny tanora Yes Tafita.
Nathassa bénévole originaire de sambava
Nathassa
Mpihetsiketsika miaro ny zon’olombelona ao Sambava ary filohan’ny fikambanana Tanora Tia Fivoarana SAVA.
Daniel gen Z activiste bénévole
Daniel
Mpihetsiketsika sy mpianatra ao amin’ny Oniversiten’Anadranjoinato Fianarantsoa, teraka sy monina Ambositra.
Elliot GenZ Mada
Elliot
Mpihetsiketsika ary mpianatra taloha ao amin’ny diaspora malagasy any Frantsa, teraka Antananarivo.
Fantaro ireo mpilatsaka an‑tsitrapo
Vaovao sy Fanadihadiana

Araho akaiky ny vatsin-kevitra, ny fandraisana andraikitra ary ny fivoaran’ny hetsika.

Hahita eto ireo lahatsoratra, famintinana avy amin’ny asa fanaovan-gazety, fanadihadiana olom‑pirenena, tatitra momba ny hetsika sy ny fanavaozana ny tetikasanay ianao. Varavarana misokatra ity ahafantarana izay ataon’ny tanora isan’andro : ny mangarahara, ny rariny ary ny fanavaozana demokratika.
Mijanòna ho mifandray mba hanaraka ny fandrosoan’ny hetsika sy hahafantarana ireo olana sy fanamby mamolavola an’i Madagasikara.

Hijery ny vaovao

Please type here to search text and press enter.